Aktorja Adriana Matoshi del me sukses nga operacioni ne koke/ Ja si eshte gjendja e saj tani

Pas përfundimit të operacionit të aktores dhe deputetes Adriana Matoshi për heqjen e tumorit, të shumta kanë qenë reagimet nga miqtë dhe të afërmit e saj. Ndër reagimet ka qenë edhe i vajzës së saj, Kaona, e cila me anë të një ‘Instastory’ shkruan se Adriana mposhti tumorin dy herë.

Operacioni doli me sukses, I dashuri i Adriana Matoshit: Faleminderit Zot

“Ajo e mposhti tumorin dy herë. Cila është superfuqia juaj?,” shkruan Kaona.

Ndërkohë që një tjetër mike e Adrianës që ka reaguar ka qenë edhe këngëtarja Filoreta Raçi, e cila po me anë të një ‘Instastory’ shkruan se e ka marrë shumë malli ta përqafojë dhe ta takojë.

“O jeta ime. Oj energji e pastër. Jam duke mbaruar që të të përqafoj e të të marrë erë. O njeri më i fortë e më e guximshme që e kam njohur ndonjëherë. Jam duke të pritur me zell e dashuri kur të kthehesh me pi çaj rusi edhe me bo muhabet plot se kemi shumë me fol.. plus më duhen këshillat e tua .Oj aktorja ime e preferuar që ma rrëqeth mishin sa herë të shoh. Të dua shumë”, shkruan Fifi.

Përfundimin e operacionit të Matoshit e ka pritur edhe ish-konkurenti i Përputhen, Atdhe Xharavina, i cili e ka vizituar atë me një shport me lule në spital.

Matoshi tregoi me anë të një postimi në rrjetin social “Facebook” para disa ditësh se do t’i nënshtrohet një operacioni ditën e sotme duke shpresuar se do ta fitojë sërish betejën. Mbështetja nuk ka munguar nga miq dhe dashamirës të Adrianës ndërkohë që në Kosovë u mbajt edhe një marshim ditën e djeshme në nder të saj.