Connect with us

Jete

Beatrix i afrohet per ta puthur Donaldi i largohet/ Shikoni sa ka ndryshuar Donaldi pas hyrjes se Romeos

Published

on

Një video (na falni për cilësinë) ku duket qartë që Beatrix zgjat buzët drejt Donaldit për një puthje por ai kthen kokën dhe largohet. Shihet Beatrix që i shkon nga pas. Donaldi po sillet çuditshëm me Trixën që pas futjes së Romeos brenda shtëpisë së Big Brother.

Po atë mbrëmje ai u kthye të flejë me dj PM me të cilin ndante shtratin që në fillim dhe jo më me Trixën siç kishte bërë disa ditë me radhë. Në rrjet aludohet për një mesazh mes binjakëve, me anë të shenjave që vetëm ata i dinë e kuptojnë dhe me anë të një 20 mijë lekshi që Romeo i la Donaldit në dorë.

Nëse 20 mijë lekshi kishte të shkruar një mesazh, a do e zbulojë këtë produksioni? Ngelet për t’u parë sepse nëse është ashtu, Donaldi rrezikon të “digjet.” Nuk e di si do sillej një femër tjetër në vend të Trixës por do ishte mirë që mos t’i shkonte nga pas. Një burrë nuk ndiqet kurrë…ah, vetëm nëse të ka vjedhur çantën, edhe në atë rast, varet nga çanta.

Në shtëpinë e Big Brother gjatë spektaklit të së martës, produksioni ka bërë një lojë për banorët. Ata mundësuan një takim në mes të dy vëllezërve binjak Romeo dhe Donald Veshaj, teksa pas përfundimit të spektaklit u aludua se përmes një kartëmonedhe, Romeo i dha një mesazh nga Bora Donaldit. Ajo çfarë ra në sy mbrëmë është se Donaldi pas një jave është kthyer që të flejë në një krevat me Dj PM dhe jo me Beatrixin siç kishte ndodhur këto ditë.

Ndërkohë, pambrëmë gjatë spektaklit, Donaldi dhe Beatrix u pyetën se si i kanë përjetuar këto ditë. Me fjalët që ka thënë Donaldi, është shprehur edhe njëherë se do ta vazhdojë lidhjen me Beatrixin. Ai ka thënë se do t’i lë prapa të gjitha gjërat që kanë ndodhur, duke aluduar kështu për situatat me ish të dashurën e tij, Bora Zemanin.

“Ka qenë realisht shumë, shumë presion. E dija që e gjithë kjo situata do ishte në disfavor për mua. E dija që deri diku do shkonte keq, por unë nuk doja ta ndaloja veten time dhe nuk e ndaloj veten time. Kur e ndiej diçka dua ta bëj, sepse do gënjeja veten time, e nuk dua ta gënjej veten time.Më erdhi keq për Triksën, sepse unë e kam thënë edhe kur ka qenë Semi brenda që jam single,e kisha bërë të qartë.Nuk e di se çfarë kupton publiku me single.

Një mesazh, një letër, mund të ishte bukur për publikun, por për marrëdhënien time që kam pasur jashtë nuk kanë funksionuar asnjëherë mesazhet e letrat. I bëj gjërat ashtu siç i mendoj,jo ashtu siç i shohin të tjerët. Më erdhi keq për Triksën, sepse doli si gruaja që u kap në shtrat me një të martuar.Unë nuk e shoh kështu dhe tani që po e mendoj dhe po e shikoj prap, dua thjesht ta lë mbrapa, dua thjesht ta lë të iki, dua të shikoj vetëm para për veten time.”,-Donaldi.

Trending

Copyright © 2009-2020 NewsRaport