Einxhel do prezantoj emision te ri/ Rudina Dembacaj e akuzon se i ka vjedhur idene e emisionit

Mbrëmjen e djeshme Einxhelit iu bë realitet ëndrra për të ngritur një fondacion për të ndihmuar vajzat të cilat nuk kanë mundësi të shkollohen dhe të jenë të pavarura. Fondacioni “Dritan Hoxha” surprizoi Einxhelin mbrëmë gjatë spektaklit të “Big Brother” duke i dhënë mundësinë që nëpërmjet një emisioni televiziv të moderuar nga ajo, të ketë mundësinë të ndihmojë vajzat.

Pas kësaj ka reaguar aktorja e humorit, Rudina Dembacaj e cila ka ironizuar nismën e Einxhel Shkirës, duke thënë se këtë nismë e ka ndërmarrë ajo e para.

“U zgjova me ide ‘origjinale’ të talenteve të ekranit! Mirëmëngjes”, shkroi Rudina duke ripostuar videon e saj të datës 8 tetor 2020 ku ka treguar se kjo ide ishte e saj.

Më pas aktorja ka postuar edhe një status ku shkruan: “Që të kuptohemi jam shumë e lumtur për çdo iniciativë për vepra të mira! Zot u shtofshin! Mbrojtja e ideve është gjithashtu vepër e mirë, në respekt të kujtdo!”.