Einxhel mori surprizen e madhe nga Big Brother/ Shikoni si ka reaguar i dashuri i saj DJ DAGZ

Gjatë rrugëtimit të saj në “Big Brother VIP”, Einxhel ka treguar se ëndrra e saj është të ndihmojë vajzat në pamundësi për t’u shkolluar. Ajo ka rrëfyer se edhe çmimi i madh do t’i dedikohet këtij misioni në rast se ajo do të jetë fituesja.

Mbrëmjen e djeshme Einxhel u surprizua nga fondacioni “Dritan Hoxha”. Ky fondacion i dha gazetares ofertën për të bashkëpunuar me një emision televiziv për të evidentuar dhe ndihmuar të gjitha vajzat shqiptare në vështirësi.

E emocionuar, me lot në sy dhe me zërin që i dridhej Einxhel tregoi se tashmë ndihet e përmbushur me një ëndërr që më në fund iu bë realitet.

Ky moment prekës nuk i ka shpëtuar Dagzin, i cili ndihet krenar për të dashurën e tij. Ai i ka dedikuar disa fjalë të ndjera në rrjete sociale. “Zëri i çdo femre! Je shumë e madhe Einxhel Shkira!”, ka shkruar Dagz.