Hyrje te reja ne Big Brother Vip te premten/ Zbulohen emrat e dy djemve qe do e bejne shtepine corap

Pas një pauze katër vjeçare, reality-show i famshëm “Big Brother”, u rikthye në një format ndryshe nga vitet e kaluara, këtë herë pjesë e shtëpisë janë personazhet e njohura për publikun.

Që nga fillimi më 4 tetor, deri më tani janë larguar tre konkurrent – Elhaidi, Sheila dhe Paloma.

Po ashtu edhe Arditi dhe Sabiani kanë qenë të eliminuar nga publiku, por fati i tyre ishte që në vazo kishin nga një “biletë kthyese”.

Mbrëmë në shtëpi hyri aktori, Igli Zarka, ndërsa gjatë ditës së djeshme është raportuar për dy hyrje krejtësisht të tjera, ish-konkurrenti i sezonit të parë të “Big Brother” Olsi Mingomata dhe DJ i njohur kosovar, DJ Dagz.

Por, burimet të gazetës “Reporteri” kanë zbuluar se dy emrat që do të hyjnë të premten mbrëma janë dy DJ e njohur kosovar, DJ Dagz dhe DJ PM.

Ndërkohë, Kryefjala.com, ka zbuluar se banori më i ri i shtëpisë do të jetë një ish-konkurrent i “Big Brother”, Olsi Mingomataj, ose siç në të gjithë e njohim “Olsi i Noçes”. Ai ka qenë pjesë e edicionit të parë, ku bashkë më Najadën, ishin të parët që nisën një histori dashurie në “Big Brother”, lidhje që përfundoi pas daljes nga shtëpia.

Olsi ka treguar se aktualisht i është përkushtuar biznesit, por duket se nuk i ka thënë dot jo “rikthimit” në shtëpinë më të famshme në Shqipëri, këtë herë si “VIP”.

Sakaq, ai është i pari ish-konkurrent i “Big Brother” që do të bëhet pjesë e këtij edicioni, megjithatë duke kujtuar Olsin e para shumë viteve, pritet që ai të jetë një personazh që do të shkaktojë “zhurmë” e dinamika në shtëpi.