”Ka ikur me pushime me te dashurin ne Dubai”/ Beatrix kapet keq me Balina Bodinakun

Beatrix Ramosaj ka reaguar ashpër ndaj opinionistes së Big Brother, Balina Bodinaku duke e akuzuar për shpifje. Trixa ka publikuar disa mesazhe që sipas saj Balina i ka shkëmbyer me një person tjetër pas largimit të saj nga Shqipëria.

Ajo thotë se Balina e ka pasur personale ndërsa shton se nëse kjo do të përsëritet do e ndjekë në rrugë ligjore.

Në mesazhe shkruhet se Trixa ka shkuar me pushime me të dashurin.

“Ka ardhur koha t’i dal Zot vetes time dhe këtë do bëj. Nuk më ul vlerat dot ti Balina Bodinaku. Të hamendësosh për jetën time private me shoqet e tua je e lirë ta bësh kur të duash por të influencosh mbështetësit dhe ndjekësit e mi me shpifjet e tua nuk ta toleroj. Kështu si ke vepruar ti më vërteton që instiktin e kam pasur të saktë.

Sa herë më ke sulmuar brenda shtëpisë së BBV e ke pasur personale. Mesa di unë nuk të kam rënë ndonjëherë në qafë, prandaj kjo të jetë hera e fundit që shpif me mua ose ndryshe do e ndjek në rrugë ligjore”, ka shkruar Beatrix, duke publikuar dhe një video ku tregon se mesazhet janë shkëmbyer nga adresa zyrtare e Balinës.