Nxora shokun tim Arditin nga shtepia per ty/ Fifi ia perplas ne sy Granitit pasi e shpetoi nga nominimi

Graniti duket pak i shqetësuar pasi është një ndër banorët që është në nominim.Fifi nga ana tjeter i thot atij të mos shqetësohet por ta marri me sportivitet pasi ai nuk do të largohet.

“Nuk ke për të dalur,e ndjej këtë gjë.Ti duhet të jesh këtu.Unë e kam nxjerrur shokun tim për ty sepse dua që ti të jesh këtu”-thot ajo.

Edhe pse Graniti tha haptazi që nuk ndjen për këngëtaren ajo sërish vazhdon ta mbështesi dhe suportojë atë.

Javën e kaluar, Ardit Çuni doli përfundimisht nga shtëpia e “Big Brother VIP”, duke humbur përgjithmonë mundësinë e fitimit të 100 mijë eurove. Artisti u nominua nga banorët bashkë me Granit Canën, por ishte Fifi, si e preferuara e publikut, që e zëvendësoi ish-futbollistin me Donald Veshajn.

Pas daljes nga shtëpia, Arditi tha se mendonte që fifin e kishte shoqe të ngushtë, por ishte ajo që e nxorri jashtë, sepse e çoi në televotim me një konkurrent që ishte ndër të preferuarit e publikut.

Gjatë një interviste për “Pardon my French”, Arditi tha se kishte më shumë gjasa të dilte ai jashtë në vend të Donaldit, sepse takimi i aktorit me ish-partneren, Bora Zemani, e ngriti atë shumë lart para publikut. Çuni shkoi të martën të ballafaqohej edhe me Fifin për ta pyetur pse e bëri diçka të tillë.

“Unë nuk e kam mik të ngushtë Arditin, e kam mik. Kam punuar me të, ia kam bërë dy këngë, tek njëra nuk i mora asnjë lekë, te tjera vetëm gjysmën e çmimit, sepse unë nuk shitem për pak… Po Ardit, e kam dashur Granitin më shumë se ty brenda”, iu përgjigj këngëtarja.

Por pas kësaj deklarate, Arditi ka treguar të vërtetën e tij për këngët e marra pa paguar.

“Unë nuk e kisha dëgjuar pjesën e këngës, sepse do kisha nxjerrë lekë do e pyesja sa i detyrohem. Nuk më duket aspak profesionale, ndoshta e ka thënë në nerva e sipër për pjesën e këngës. Po, është zhgënjim, sepse disa marrëdhënie janë diskrete. Është si të them unë ‘Sa e ka Fifi tekstin?’. Janë disa marrëdhënie profesionale diskrete…

Bëhet fjalë për këngën ‘Qaj’, që i jam shumë mirënjohës asaj për tekstin. Këngën do e shkruante dikush tjetër, por ajo më tha ‘Të lutem, ta shkruaj dhe s’do të marr lekë’. Nuk ishte kërkesë e imja, ishte ajo që e kërkoi, sepse i pëlqeu shumë. Këngën e dytë ia kam paguar sa e ka, jo gjysmë çmimi”.

Pas penalizimit që Fifi i bëri, Arditi tha:

“Nuk do të përfshihesha aq shumë emocionalisht në situatën e Fifit. Hyra dje, sepse nuk kam marrë asnjë sqarim nga Fifi. Jam penalizuar në debatet me Donaldin apo Semin, sepse kam mbajtur anën e Fifit… Megjithatë, unë doja t’i jepja një sinjal që jashtë nuk po dukej mirë, ia dhashë por ajo e keqkuptoi… Unë sigurisht e fal se nuk ka bërë ndonjë gjë të madhe”.