Shkova 3 ditë te psikologu pas daljes nga ‘Big Brother VIP’/ Paloma tregon cfare i ndodhi pas daljes

Gazetarja dhe njëkohësisht ish-banorja e “Big Brother VIP”, Paloma ishte së fundmi e ftuar në emisionin “Goca dhe Gra”. Ajo tha se u fut në reality show për familjen e saj dhe përpos anës profesionale, tregoi dhe vështirësitë si gjithë të tjerët.

Paloma shtoi se pas daljes nga “Big Brother VIP” e ka pasur shumë të vështirë për t’u përshtatur me botën jashtë, prandaj ka shkuar për tre ditë te psikologu.

“Arsyeja e parë që unë hyra aty është familja ime, ajo që për më së shumti kam luftuar në jetë. Mendoj që ai reality show nuk mund të na nxjerri vetëm pjesët profesionale dhe arritjet tona, por që ne në fund të ditës jemi njerëz, kami shpirt, kemi vështirësi njësoj si të tjerët.

Kur kam dalë më është dashur që tre ditë ta kaloj me psikolog pjesën e ndryshimit nga shtëpia në realitet”, u shpreh gazetarja.